يوم هز الشوق قلبك ليه ياقلبـي ماأجيـك
وأنت أحس إنك دروبي وين ماسج الرجـل
أحسب من الآن ساعه بذن من لا له شريك
وافتح بقلبك لقلبي غرفة إنعـاش وسجـل
لجل قلبي يوم جاك من الوله بيموت فيـك
لاتقول إنه لجل .. وإلا تقـول إنـه لجـل
الوكاد القلب جاك بحـال مايخفـى عليـك
واحتضر داخل ضلوعك لين وافـاه الأجـل
المشاعر تنتحي بي قبـل لا أدق السويـك
نخوة اللي شاف موته للشجـاع المرتجـل
وجيت لك مسرع وطايش تقل منقذ لي دريك
مدري من جنون حبك وإلا أنا طبعي عجـل
وفرحت كل المشاعر لحظـة إنـي ملتقيـك
ورددت في صوت واحد والله ونعم الرجـل
جيت لك واقبلت تمشي في هدوء مثل المليك
لا لا وش مشي المليك إلا مثل مشي الحجل
وصار شغلك من حياك تطقطق أصايع يديك
والعيون أحس فيها ثورة أشـواق وخجـل
وإلا أنا ضعت بجمالك من قدمك لوجنتيـك
عود وخدود وشفاه ورمش وعيـونٍ نجـل
والنهود اللي تغار إن جيت أداعب شفتيـك
شكلها مثل الطماط ولونهـا مثـل الفجـل
أنعم من القطن وألطف من مشاعر والديـك
واللي مزود حلاها توهـا صغـار وهجـل
وطعم ريقك يوم ذقته مثل طعم السن كويك
إي قسـم بالله ربـي لا تقـول إنـه دجـل
وإن رجعت لمقلتيـك الله مأجمـل مقلتيـك
جل شان اللي مصورها بهذا الشكـل جـل
والرموش اللي تقول رماح تطعن من يبيـك
كنت أحسب إني شجاع وصابني منها وجل
تستحق الشعر مني فيـك لأرسلتـه إليـك
حر وهجيني ومسحـوب وإسنـاد وزجـل
الإثنين يوليو 14, 2008 9:28 pm