راحت تعــالج من مرضها ولاجت
مــــعقول ما ترجع وهي أوعدتني
ماني مصدق لو يقولـــــون ماتت
شلون وهي البارحة كــــلمتني ؟؟
قالت أكيد أنــــــك لصوتي تشوقت
قلــــــــت آه كلك يالغلا شايقتني
اشتقت لك ولنضرتك حيل أنـا اشتقت
ولهمستك ولبــــــــسمةٍ ســـــاحرتني
ولمعانقك يا بـــــــعد عمري تولهت
وكـــــلمة هلا حبي وربي وحشتني
قالـــــــت أحبك قلت وأنا فيك مت
واللي يحــــــفظك بالغلا مــالكتني
قالت وتنسى صورتي قلت لا كـنت
ينساني الله كـــــــــانها فارقتني
وهلت دموع الغـــــــــالية ثم قالت
قالت أحس أن المـــــــــــنية لفتني
قاطــــــعتها استغفري الله يا بنت
وعـــــــجزت أكمل عبرتي أخنقتني
قالت أبي منك الـــوعد لو أنا غبت
تحفظ مشــــــاعر حب فيك جمعتني
قلت احفظه واحفظك دام أنـــا دمت
بس إرجــعي فرقاك موت أرهقتني
قالت كـــذا يا نور عيني أنا ارتحت
والوعد بـــــــــــاكر بعدها ودعتني
حمدان قلي صـــــــــدق انها توفت
وشلون وهي البــــارحة كلمتني ؟؟..
الإثنين يوليو 14, 2008 9:22 pm